Четворица мажи вчера упаднале во ресторан Во Дуго Село кај Загреб, во кој се одржувала приватна забава, и по вербалниот конфликт меѓу себе и со присутните, еден од насилниците пукал кон луѓе обидувајќи се да ги убие, но не ги погодил, соопшти полицијата.

Во соопштението од загрепската полиција се вели дека на 28 јануари околу 18:00 часот во Дуго Село, на приватен собир во ресторан влегле четири непознати лица кои вербално им се заканувале на лицата кои биле таму, за потоа почнале да почнат да се туркаат и физички да се пресметуваат меѓу себе, пишува „Индекс“.

Како што прецизираат од полицијата, по ова, еден од четворицата непознати натрапници испукал од пиштол кон двајца луѓе на возраст од 40 и 45 години, по што четворицата избегале од ресторанот.

Во инцидентот нема повредени, а истрагата е во тек.