Коби Брајант имаше глад за победа и менталитет со кој можеше да се мери единствено Мајкл Џордан, нивната желба за победување беше неверојатна и редовно ги тераше на секој тренинг или натпревар да го даваат максимумот, а истото го бараа и од своите соиграчи. Брајант бараше максимално залагање од соиграчите дури и кога беше повреден.

Во 2015 година Лејкерси сезоната ја завршија со скор од 21 победа и дури 61 пораз што е прв пат тимот на Брајат да забележи повеќе од 60 порази во една сезона.

Голем удел во катастрофалната сезона има и самиот Брајант бидејќи во јануари 2015 година се повреди. Но, наредниот месец одлучи да ги „мотивира“ своите соиграчи и тоа пред истекот на рокот за размени и во моментот кога тимот имаше скор од 13 победи и 34 порази, тој го посети тренингот на неговите соиграчи.

– Коби го немавме видено неколку недели, и оддеднат еве го во салата и тоа точно на еден ден пред истекот на рокот за размени. Коби беше мртов сериозен, дојде и рече: Сакав само да се простам бидејќи некои од вас клошари утре ќе бидете разменети. Потоа седна со тренери, разговараше со нив и си замина – раскажува Лин.

Џереми Лин ја одигра целата сезона во дресот на ЛА Лејкерс и просечно постигнуваше по 11.2 поени по натпревар, додека Брајант во наредната сезона замина во пензија.