Како изгледа комплескот во Дизниленд каде ќе се игра завршницата во НБА лигата (ФОТО+ВИДЕО)
Бордот на гувернери во НБА лигата денеска одлучи да се доигра сезоната во изменет формат поради пандемијата на коронавирусот.
Рестартот на лигата е закажан за 31 јули, а сите натпревари во скратениот формат од регуларниот дел од сезоната и од плеј-офот ќе се играат во Орландо, во грандиозниот компекс во „Дизни Ворлд“.
Disney World Reportedly ‘Clear Front-Runner’ for NBA’s Return Venue. This is the HP Field House at ESPN Wide World of Sports at Disney World. pic.twitter.com/jcWUZW1MUa
— SHEY ?? (@Lakergirl_247) May 20, 2020
Натпреварувањето во НБА ќе го продолжат 22 од можните 30 екипи, и тоа 13 екипи од Западната конференција и девет од Источната.
Од Западната конференција во Орландо ќе играат: ЛА лејкерс, ЛА клиперс, Денвер, Јута, Оклахома, Хјустон, Далас, Мемфис, Портланд, Њу Орлеанс, Сакраменто, Сан Антонио и Феникс, додека од Источната конференција се екипите на Милвоки, Торонто, Бостон, Мајами, Индијана, Филаделфија, Бруклин, Орландо и Вашингтон.
Преостанатите осум екипи кои немаат ниту теоретски шанси за пласман во плеј-офот веќе ја завршија сезоната.
Комплексот во популарниот забавен парк Дизниленд, каде ќе се играат сите натпревари се вика „Дизни Волд“ и во него има дури пет терени за бејзбол, неколку фудбалски, десетина кошарскарски терени, атлетска патека и три кошаркарски сали каде и ќе се играат сите натпревари од оваа сезона во НБА лигата.
Според планот на НБА лигата, на два терени ќе се играат натпревари во исто време и ќе се играат по неколку натпревари на ден за време на регуларниот дел од сезоната.
За време на плеј-офот ќе има по 3-4 натпревари на ден, се до големото НБА финале кога ќе се игра по еден натпревар дневно.
Кошаркарите и целиот персонал на екипите секојдневно ќе се тестираат на коронавирус, а се подготвени и посебни протоколи доколку има позитивни случаи.