14 C
Скопје

Како Џон Ленон завршил во кревет со Дејвид Боуви? Првпат да видам како е, а вторпат да бидам сигурен дека не ми се допаѓа

Делови од биографијата на Џон Ленон изминативе неколку месеци постојано се објавуваат во светските медиуми.

Менаџер

Една од важните фигури во историјата на „Битлси“ беше нивниот менаџер Брајан Епстајн. Сепак, тој и Ленон, според книгата, биле повеќе од деловни соработници. Во времето кога Џон бил оженет со Синтија, тој и Епстајн отишле на двонеделно патување во Шпанија. Пред Ленон да се венча, Епстајн им рекол на момците од бендот дека мораат да ги чуваат тајните врски за да продолжат да го имаат вниманието на фановите.

Џон Ленон и Меј Панг/Profimedia
Синтија и Џон Ленон, 1964/Profimedia

Поради тоа, Синтија се плашела да му каже на Џон дека е бремена, иако тој на крајот убаво го прифатил тоа. Епстајн се обидел да го спречи нивниот брак, но сепак им помогнал во сè кога сфатил дека Џон е сериозен во неговата желба да основа семејство. Епстајн бил прогласен за хомосексуалец, со кого Џон, како што се покажало, ја истражувал својата сексуалност.

Сопругата на Џон во тоа време била свесна дека пејачот ја изневерувал сто пати, но и денес таа тврди дека е невозможно да имал сексуални односи со Епстајн, а истото мислење го има и Пол Макартни. Но, сите не се согласуваат со тоа тврдење. Пријателот на Џон, Пит Шотон, му рекол на авторот на книгата дека тој безмилосно го задевал Ленон по враќањето од патување со Епстајн.

„Брајан му предложи“, признал Џон. Упорната опсесија на „полираниот“ менаџер почнала да му оди на нерви. Така Џон конечно блефирал, се соблекол и му рекол да прави што сака. Во тој момент, Епстајн се повлекол, мрморејќи дека „не прави такви работи“. Џон останал збунет, но и доволно заинтересиран да открие што навистина му се допаѓа на Брајан.

„Битлси“ и нивниот менаџер Брајан Епстајн, 1965/Profimedia

Оваа приказна ја потврдил и Џон Рајд, поранешниот менаџер на Елтон Џон кој го прашал Ленон директно дали спиел со Епстајн, на што тој одговори:

„Двапати. Прв пат да видам како е, а втор пат да бидам сигурен дека не ми се допаѓа “.

Самиот Ленон зборуваше во едно интервју во 1980 година за неговата врска со Епстајн.

„Беше скоро како љубовна врска, но не баш така. Никогаш не беше консумирана. Но, тоа беше прилично интензивна врска. Тоа беше моето прво искуство со хомосексуалец кога бев свесен дека тој е хомосексуалец. Тој ми призна… Седевме во кафуле во Торемолинос и ги гледавме момците и го прашав: „Дали ти се допаѓа овој? Дали ти се допаѓа оној? “ Уживав во тоа искуство, цело време мислев како да сум писател: Го живеам ова “, рекол тој.

Џон Ленон/Instagram

Авторката Џонс, која веќе со децении е во култни рок-кругови, го истакна и фактот дека Дејвид Боуви, со кого била пријателка, исто така ѝ рекол дека имал сексуална врска со Ленон.

„Постоеше врска меѓу Џон и Дејвид Боуви, за која самиот Дејвид ми кажа. Според него, тоа се случило неколкупати. Тој не навлезе во детали, ниту јас инсистирав, но отворено кажа сè што имаше. И за Мик Џегер “, пишува таа, додавајќи дека Боуви никогаш не криел дека Ленон го привлекува, што нејзе ја импресионирало.

Grupo de la magen de la pareja junto a Bowie
Твитер

Џонс пишува дека Џон според неа бил дефиниран од женски фигури што минувале низ неговиот живот. Првата од нив била неговата мајка Јулија, која го оставила двапати – еднаш кога го дала малиот Џон кај нејзината сестра Мими и вториот пат кога таа починала во сообраќајна несреќа додека тој уште бил тинејџер.

„Тој никогаш не престана да фантазира за неа и ако се повикаме на терапевтот Артур Јанов, во еден момент тој ја посакувал во сексуална смисла, прашувајќи се дали треба да се обиде да ја заведе“, пишува авторот за тврдењата што биле предизвикани од објавените снимки на телефонски разговори по смртта на Џон.

инстаграм

Во книгата се зборува и за односот на Џон со неговата прва девојка Барбара Бејкер. Кога таа го барала, тој често се преправал дека не е дома ако знае дека не може да има секс.

„Колку повеќе ја избегнуваше, толку повеќе го посакуваше“, пишува Џонс за музичарот, кој на повеќе места без двоумење го нарекува шовинист.

Дека неговите љубовни врски биле ништо друго освен обични, раскажува и приказната за Меј Панг, љубовницата која лично ја избрала Јоко Оно за Џон, која наводно не била голема обожавателка на сексот.

„Лек за потребата од секс пронашла – гледај го ова сега – Јоко. Џон требало да помине извесно време во Лос Анџелес, каде што можел да прави што сака без да ја посрамоти. Исто така, му требала придружба за да се грижи за него, да ја држи за рака и да стори сè друго. Така, г-ѓа Ленон ја избра Меј Панг“.

инстаграм

„Таа имаше 22 години, потекнуваше од пристојно католичко семејство на кинески имигранти. Беше убава, слатка, снаодлива и интелигентна. Имаше сјајна црна коса до колковите и ја држеше главата спуштена. Предлогот да стане „наложница“ на Џон ја шокираше. Уште повеќе што тоа потекнуваше од неговата пристојна и приврзана сопруга“, пишува Џонс, додавајќи дека Ленон и Панг поминале околу една и пол година заедно.

инстаграм

Доминантната Јоко

И приказната за тоа како Џон ја запознал Јоко е во призмата на врската со друга жена.

инстаграм

„Џон ја запозна Јоко токму кога му требаше, две недели по смртта на Алма Коган. Таа беше опсесивен обожавател кој го демнеше. Страшно му одеше на нерви. Но, Алма почина и на Џон му се случи нешто чудно. Сè се сврте наопаку. Јоко сигурно ја реализирала својата можност и ја искористила. Таа ги носеше панталоните во врската и го контролираше Џон до крајот на неговиот живот“, рекла неговата прва сопруга Синтија.

инстаграм

Еден од соговорниците во книгата е Енди Пиблс, поранешен новинар на BBC Radio 1, во кого Јоко имаше доверба и по смртта на Џон таа даваше интервјуа исклучиво за него. Тој откри дека неколку недели по атентатот, Јоко започнала да живее со Сем Хавадости, поранешен асистент на Ленон.

„Не можев да ги сфатам нејзините солзи како искрени“, рекол Енди, додавајќи дека вдовицата била во врска со овој човек во следните 20 години и дека го облекувала во облека слична на онаа што ја носел Џон.

инстаграм

 

Поврзани вести

32 години од трагичната смрт на Димитар Илиевски-Мурато на Монт Еверест: „Сладок“ сон на чекор до базниот логор

Миодраг Мицковиќ

Почина индискиот актер Рахул Вохра: Пред смртта снимил застрашувачко видео од болница

Слободен Печат

За првпат по 120 години: На отварањето на британскиот парламент, кралицата седеше сама, а на местото на престолот на принцот Филип имаше поставено маса

Слободен Печат

Британски музички награди: Дуа Липа со две награди, Тејлор Свифт влезе во историјата…

Слободен Печат

Солта мора „под клуч“ – го слабее и го загрозува имунитетот

Слободен Печат

Индија се соочува со нов проблем: Ретка „црна габа“ го напаѓа мозокот на пациентите со ковид

Слободен печат

Остави Коментар