Нема дете кое не се радува на играчка, без разлика на тоа дали се подарува со повод или не. Сепак, добро е да се знае кои играчки за деца одговараат на нивната возраст и кои играчки ќе им бидат интересни.

Јунаците од цртаните филмови – играчки за најмалите

Универзален подарок кој е одличен за момченцата, но и за девојчињата на возраст од две или три години се оние кои на некој начин ги претставуваат омилените ликови од цртаните филмови. На оваа возраст децата уживаат да гледаат цртани филмови и често се поистоветуваат со главните јунаци.

Тротинет и трицикл

Одличен подарок се и тротинетите и трициклите (возило со три тркала) зашто ја поттикнуваат физичката активност кај децата. Трициклите можат да се купат и на деца дури и веднаш штом проодат, а со тоа би учеле да ги движат педалите и би правеле самостални движења. Тротинетите за деца денес се многу популарни, а можат да имаат две или три тркалца. Посебно се атрактивни тротинетите во бои или со ликови од јунаците од цртаните филмови.

Едукативни играчки

Покрај стандардните кукли и играчки кои овозможуваат играње, дружење и возење, тука се и едукативните играчки. Тие се одличен подарок од првите денови па се до училишна возраст на детето. Тука се вбројуваат музичките играчки, Лаго и класични коцки, играчки со механизам за учење зборови, бројки и букви, дрвени кутии и коцки за учење на форми и слично. Играчките за бебиња, како што се на пример, вртелешките или глодалките, имаат и едукативен карактер за привлекување внимание, забележување на звуци и развој на движењето на вилицата.

За тригодишни деца одлични се играчките за правење форми, поголеми коцки и слично. За деца над пет години, се препорачуваат сложувалки (пазлс), но и друштвени игри. Едукативните играчки имаат за цел да ја развијат комуникациската вештина, способноста за забележување, разликување и помнење.

Има различни видови и категории на играчки кои влијаат на едукацијата и ширење на знаењето, на развојот на спортските вештини, но и на зближување со другите деца преку играта. Затоа во детството играчките се незаменливи, па треба да се подаруваат и без посебни поводи и причини.