Како да го проверите квалитетот на прашокот за перење кој го користите?
Изборот на прашоци и течни детергенти за перење на алиштата е огромен. Цената не е секогаш вистинското мерило за квалитетот, а не е лесно ниту самите да го одредите.
Дел од прашоците ги отстрануваат дамките, но оставаат траги на потемната облека. Другите, пак, се помалку моќни и се наменети за перење на шарената облека, но повеќе ја освежуваат облеката, а не секогаш ја отстрануваат нечистотијата.
Секогаш сме во потрага по производот кој ќе ги задоволи сите наши потреби. Токму поради тоа купуваме различни, ги тестираме, менуваме, но повторно не сме задоволни.
Сепак, постои еден многу едноставен трик за утврдување на квалитетот на прашокот за перење, а истиот може да се примени и за проверка на течните детергенти за облека.
За да го проверите квалитетот на прашокот за перење, потребно е да го направите следното:
Во чаша вода, растворете една кафена лажица од прашокот за перење. Потоа, во растворот додадете парче белка од тврдо варено јајце, оставете го така и почекајте да помине еден ден.
1. Доколку по 24 часа белката е непроменета, тоа значи дека прашокот е со слаб квалитет.
2. Доколку белката е омекната или веќе почнала да се раствора, овој прашок е добар за перење на темна облека или помалку валкана облека.
3. Доколку белката од јајцето целосно се растворила, таквиот прашок е идеален за перење бела облека и многу валкана облека.