Како Бред Пит се спаси од Скиентолошката црква
Пред да стане една од најпознатите ѕвезди во филмската индустрија, Бред Пит во 90-тите три години бил „заглавен“ со скиентологија, а со таа контроверзна вера го запознала неговата тогашна девојка, актерката Џулиет Луис.
Во тоа време проговори поранешниот црковен надзорник на Пит, Мајкл Мелен, кој поминал 40 години во црквата за конечно да ја напушти во 2014 година.
Тој подоцна ја напиша и книгата „Brainwashed“ во која раскажува за времето поминато таму.
„Бев учен да станам надзорник на курсот, затоа бев испратен на тренинг во „Celebrity Center Portland“ и додека бев таму ја запознав ќерката на директорот на Скиентолошката црква со седиште во Портланд. Една од работите што ми ги кажа беше дека Бред Пит, кој во тоа време беше во љубовна врска со Џулиет Луис, присуствувал на чинот на прочистување“, изјави Мелен, кој подоцна и самиот имал средба со Пит.
Според скиентолошките записи, Пит завршил некои терапии во јули 1991 година и посебен курс за „проценка на човекот“ во мај 1993 година.
Сепак, самиот процес на иницирање вклучувал невообичаени сесии на кои надзорниците викале и ги навредувале потенцијалните членови.
Мелен тврди дека безмилосно му викал на Бред Пит, кој бил толку лут што заминал и повеќе не се вратил во црквата.
Црквата се обидела повторно да го регрутира откако ја напуштил во 1993 година, но тој ги одбил сите нивни обиди.
„Веројатно заклучи дека му било доволно. Тие се обидуваа да го вратат назад, но тој никогаш не продолжи со скиентологијата“, рече Мелен.
Бред Пит во 1993 година, изјави дека засекогаш се „прости“ со скиентологијата, но и со актерката Луис, која сè уште е член на таа црква, исто како и нејзините славни колеги Џон Траволта и Том Круз.