Кај овие луѓе ковидот едноставно не функционира: Чуда на природата или медицински феномени

Ковид-19 / Фото: Илустрација

Сите сме слушнале за некој кај кого сите во куќата имале корона, но тој не се заразил, а зошто, никој не знае. Сега научниците најдоа решение и велат дека тоа се луѓе кои едноставно ја запираат инфекцијата, а тоа се случува кога корона вирусот ќе влезе во нивното тело, но нивниот имунолошки систем и таканаречените Т-клетки буквално се чистат и ниту ПЦР ниту антигенски тест не можат да откријат дека во нивното тело има корона, па добиваат негативен резултат, објави британски Гардијан.

Откритието би можело да го отвори патот за нова генерација на вакцини кои го таргетираат одговорот на Т-клетките и би можеле да обезбедат подолгорочен имунитет, велат научниците.

– Секој има некакви анегдоти за луѓе кои биле изложени, но не подлегнале на инфекција. Она што не го знаевме е дали овие лица навистина успеале целосно да избегнат инфекција или дали природно го исчистиле вирусот пред да биде откриен со рутински тестови, вели Лео Сводлинг, имунолог на Универзитетскиот колеџ во Лондон.

Примероците од крв земени од овие луѓе покажаа дека тие имаат зголемен број на Т-клетки кои реагираат против ковид-19. Весникот сугерира дека некои од нив веќе имале Т-клетки запаметени од претходните инфекции предизвикани од сезонски коронавируси кои предизвикале обична настинка, која ги заштитила од ковид-19.

Овие имунолошки клетки „мирисаат“ протеини во механизмот за репликација, делот на ковид-19 што е заеднички за сезонските коронавирус, а кај некои луѓе овој одговор беше доволно брз и силен за да се отстрани инфекцијата во најраната фаза.

Видео на денот