Кафеаните од денеска работат до 21 часот, угостителите бесни на Владата

Од денеска рестораните ќе работат до 21 часот. За угостителски објекти на аеродромите, на бензинските пумпи и во хотелите нема ограничување, односно тие ќе работат со редовното работно време според законот.

Ова вест угостителите ја дочекаа на нож. Тие особено се изреволтираа што Владата, паралелно со одлуката за работното време на кафеаните, донесе и одлука со која ги ослободува компаниите од одредени увозни царини.

– Ги потсетуваме и министрите и Владата дека од сите индустрии кои добија поддршка и помош од постојните сет економски мерки, само за угостителската индустрија континуирано се носат препораки и протоколи придружени со ограничувања за работно време, со што не само што се нанесува директна материјална штета туку страда и целокупната угостителска индустрија заедно со сите вработени во неа – велат од Независната угостителска комора.

Оваа комора, заедно со здруженијата „Клуб еснаф“ од Битола, „Прилепски меанџии“ од Прилеп, „Тиквешки угостители“ од Кавадарци, „Бисер“ од Куманово, ЗУТ „Крушево“ од Крушево, „Антигонеа“ од Неготино и „Охридски еснаф“ од Охрид составија листа на барања до Владата и ѝ дадоа рок до 25 јануари да ги усвои сите барања и да донесе одлуки со кои ќе креира посебни економски мерки за директна помош и поддршка на угостителската индустрија.

Прочитајте и...  Сопствениците на парцелите бараат кат повеќе, не зеленило

Угостителите бараат безусловна субвенција за сите вработени во угостителската индустрија во висина на бруто-плати додека се во важност рестриктивните мерки и протоколите за работа, или до официјално завршување на пандемијата. Тие бараат и неповратна директна помош, како што има за ноќните клубови и категоризираните ресторани; безусловна достапност до долгорочни и бескаматни кредити; побрза достапност на најавениот гарантен фонд или гарантна шема за да може да добијат кредити; намаленото ДДВ од 10 проценти да важи за сите угостителски услуги во сите видови на угостителски објекти; одлагање и репрограмирање на извршни постапки.  

Во однос на повластената даночна стапка од 10 проценти, која за првпат е воведена, замислата е со исти цени што ги имаше кога ДДВ беше 18 проценти, да им се помогне на угостителите, со тоа што сега таа разлика од даночните стапки ќе биде нивен приход. Но, оваа стапка не важи за алкохолните пијалаци, а прометот со алкохол, пак, е главна ставка во кафулињата и значајна во рестораните.

Прочитајте и...  Затворен угостителски објект во село Вруток, работел по дозволеното време

Од друга страна, поради  задоцнетото прилагодување на фискалните апарати, угостителите првата недела не може да го применат намалениот данок од 10 проценти, и иако законот тоа им го наложувал, биле принудени да пресметуваат ДДВ од 18 проценти.

– УЈП во декември се однесуваше како да го нема овој закон за имплементација од 1 јануари 2021 година и моравме да направиме притисок за да се подготви процедурата за усогласување на фискалните апарати. Правилникот направен од Министерството за финансии за начинот на воведување на новата стапка на ДДВ во висина од 10 проценти во Службен весник е објавен еден ден пред почетокот на неговата примена, на 30 декември 2020 година – објасни за „Слободен печат“ Здравко Јосифовски, претседател на Независната угостителска комора.

Прочитајте и...  Македонска пошта почна со платниот промет

Битиќи: Наредната недела ќе разговараме дали може да се работи до 23 часот

Вицепремиерот за економски прашања Фатмир Битиќи на вчерашната прес-конференција рече дека следната недела ќе биде одлучено дали на угостителите ќе им се дозволи да работат до 23 часот.

Битиќи рече дека ќе се разговара со угостителите за нивните нови барања, но според него, тие не биле ниту во еден момент запоставени.

– Сметам дека недоволно сме меѓусебно искрени. Тој сектор и тоа како е помогнат. Имаше посебни мерки за нив уште во првиот и вториот пакет, бескаматни кредитни линии и исплата на плати како што добиваат сите. Посебен сегмент е ваучер-системот, а имаше и грантова шема – рече тој.

ВИДЕО: Од НУК незадоволни од мерките за помош, бараат и враќање на работното време на објектите како што е утврдено со закон

Поврзани вести

ВИДЕО+ФОТО I  Руски дипломати ја напуштија Северна Кореја туркајќи вагонче од воз

Слободен печат

ВИДЕО: Воздушниот напад на Бајден врз Сирија – симболичен гест, вовед во војна или нешто друго?

Слободен печат

Родителите на исчезнатите млади момчиња апелираат до Вучиќ да не објавува фотографии и снимки од монструозните убиства на кланот на Веља Невоља

Слободен печат

ВИДЕО | Забавата поради која Неделковски и Пандов завршија во полиција

Слободен печат

Маричиќ потврди дека Русковска е обвинителот со кој се сретнал во петокот

Слободен печат

Амбасадорот Коснет ја потврди поддршката на САД за ЕУ ​​во дијалогот Белград-Приштина

Слободен печат

Остави Коментар