Неодамна на нашиот официјален инстаграм-профил @slobodenpecat, сосема спонтано и автентично – на ваше барање, а на наше задоволство – започнавме иницијатива за поголема видливост на традиционалните медиуми преку понуда за читање весници во македонските угостителски објекти.

Еден од првите угостителски објекти кои се приклучија на иницијативата е едно многу познато и уникатно место за пијалок, култниот скопски кафе-бар „Че“, а во продолжение ќе дознаете зошто „Че“ е омилено место на многу генерации.

ЧЕ – место кое вибрира топлина и автентичност

Нема кој не слушнал или не го посетил кафе бар „Че“, опишан како буквален колаж од различни ретро елементи, совршено вклопени во многу уникатен ентериер. Веднаш штом влезете, во вас се буди искрено и топло, носталгично чувство, правејќи го местото удобно и релаксирано со атмосфера на која постојано сакате да се навратите.

На следната фотографија споделуваме како изгледа „Че“ пред да ги отвори вратите за своите гости, затоа што штом ги отвори, речиси никогаш нема да начекате празни маси – напротив, професионалниот тим и услуга, пријателската атмосфера и насмеаните лица се причината зошто секогаш е „полно“ во „Че“.

Многу културни и забавни настани организирани од  „Че“ го прават ова место општествено одговорен угостителски објект, но можеби најмногу ни се допаѓа фактот што овде се поддржува македонската уметничка сцена. Преку редовно отстапување на своите ѕидови на локални уметници, во „Че“ секогаш се достапни уметнички дела кои за соодветен надомест ќе можете да си ги однесете со вас и да го разубават и вашиот простор.

Објектот е надополнет и со други кул елементи, има многу симпатичен кауч и неколку фотељи кои преку ден го прават местото погодно за опуштена средба, но и за соло посета, па додека уживате во пијалокот, можете и да работите, читате или едноставно да уживате во фините вибрации.

Во „Че“ внимаваат на сите детали и се издвојуваат од секојдневните модерни фазони на угостителските објекти. Кај нив ќе слушнете блуз, рок и фанки музика, а неретко гостуваат и локални музички артисти, па „Че“ е докажан домаќин на едни од најзабавните културни настани во градот.

Ја издвојуваме годинашната целодневна новогодишна забава во „Че“ која буквално ги сруши сите рекорди на посетеност, како и нивната новогодишна декорација која беше документирана на многу профили на социјалните медиуми.

Во претпладневните часови „Че“ е вашиот нетипичен објект за италијанско кафе, цеден микс и кроасан, а во попладневните часови е место за разновидно пиво, пијалок во добро друштво и ретро атмосфера.

Го истакнуваме нивниот цеден микс со портокал, цвекло, ѓумбир и морков, како и одличниот коктел Пелигрони како нешта што треба да ги вкусите кога сте во „Че“.

Како главна мисија, во „Че“ би сакале да го задржат духот на поедноставните времиња, кои имале јасна визија за вистинска социјализација, уживање во друштво, музика и топла атмосфера. Потврдуваме дека се на вистинскиот пат и нескромно тврдиме дека „Че“ е едно од најкултните скопски локации со карактер!

П.С. Викендов „Че“ прославува девет години постоење со добра музика, храна и пијалоци, а поканата за роденденот гласи вака:

Наш сладок потсетник за сите спомени, случки, хаоси, настани, колку пати нѐ мавнало струја од самостојни хаусмајсторски зафати, трансформации на просторот, број на проблеми со комшии, оставени чаши на ѕидче, и уште многууууу 🙂
Ја продолжуваме нашата уникатна приказна, а вас ве чекаме на живели од 11.00 па натаму!!!

ЛОКАЦИЈА: Костурски Херои број 15, локал 1, Центар (спроти Универзална Сала)
РАБОТНО ВРЕМЕ: од понеделник до четврток 08:00 – 00:00 / петок и сабота 08:00 – 01:00 / недела 08:00 – 00:00

СЕ ЧИТАМЕ ВО ЧЕ!

Тука се чита весникот Слободен печат: МАПА на општествено одговорни угостителски објекти низ Македонија