Кадиров вели дека негова цел е „да се победи сатанизмот”

Рамзан Кадиров
Рамзан Кадиров / Фото: EPA-EFE/ALEXEY NIKOLSKY

Лидерот на Чеченија, Рамзан Кадиров, на апликацијата Телеграм објави дека резултатот од специјалната операција за него е „целосно уништување на манифестациите на сатанизмот“.

„Дозволете ми да парафразирам еден познат цитат – да одиме напред и ништо нема да не спречи“, напиша Кадиров.

„Резултатот од специјалната операција за нас е целосно уништување на манифестациите на сатанизмот: Сатана, Бандера, нацисти. Има многу дефиниции за нив, но суштината е секогаш иста. Нивната вистинска суштина е недостатокот на хуманост, морал принципи, ширење на зли духови. Затоа за нас тие се сатанисти. Да ги победиме е наша цел и задача“, напиша Кадиров.

Чеченскиот лидер објави видео на социјалните мрежи од новото оружје и опрема што го добиле припадниците на специјалните сили Ахмат. Станува збор за оклопни возила БОРЗ, кои се вооружени со митралези.

Видео на денот