Кадетките в недела за петтата позиција ќе играат против Белорусија која претходно со 37:24 славеше над Израел.

На ЕХФ шампионатот во Италија денеска се сретнаа против Турција во разигрувањето за пласман од 5-8 место. Рамноправна битка се водеше се до 20:18 при наше водство, а потоа Македонија влезе во серија погодоци.

Најпрвин Коларовска реализираше во турската мрежа, потоа Трајкоска запиша две важни одбрани. Метковска со две брзи контри напади донесе за првпат седум позитива на мечот (26:19) после серијата од 5:1.

Сè беше решено на 10 минути до крајот на дуелот откако Коларовска прифати една одбиена топка по шутот на Ѓорѓиевска и стрелаше за 30:23. Доминиравме и потоа победата си дојде со високи 11 голови разлика, односно 36:25. Пикерот Катерина Дамјановска е избрана за МВП на овој дуел.

Кај стрелците најефикасна беше Јанкуловска со седум погодоци, еден помалку запиша Седлоска.