Во својот втор натпревар на ЕХФ шампионатот во Скопје за играчи до 19 години македонската репрезентација денеска триумфираше над Полска со 30:25.

Играчите предводени од селекторот Кирил Лазаров беа свесни дека после изненадувачкиот пораз на стартот од Грција 30:26 против Полјаците мораа да одат на победа.

Тоа и го остварија, нашата селекција ќе игра во полуфиналето на ЕХФ шампионатот каде што ќе играат против првопласираната од групата „Б2“, Швајцарија или Босна и Херцеговина.

Најефикасен во нашите редови во денешниот триумф беше М. Митев со седум голови, по четири имаа А. Петковски и П. Атанасијевиќ.

Во конечната табела во групата „Б1“ сите три репрезентации имаа два бодови, Полска ја освои првата позиција со најдобра гол-разлика, пред второпласираната Македонија и Грција на третото место.

Во другата „Б2“ група на едно коло пред крајот Швајцарија и Босна и Херцеговина имаат по четири бодови, ниту еден Грузија и Украина.