Извлекувањето на групите за Мундијалот беше одржано во канцелариите на ИХФ во Базел, Швајцарија.

Вкупно 24 репрезентации ќе учествуваат на осмото кадетско Светско првенство, а нашата селекција пред ждрепката се наоѓаше во третиот шешир со Словенија, Унгарија и Србија.

На ждрепката учествуваа претседателот на Ракометната федерација на Македонија Живко Мукаетов и селекторот на сениорската репрезентација, Данило Брестовац.

Нашите ракометни надежи ќе играат во групата Ц каде што и посакуваа против Данска, Бахреин, Јапонија, Аргентина и Нигерија.

Се најавува Мундијалот да се организира во Скопје во СЦ „Јане Сандански“ и ВИП Арена СЦ „Борис Трајковски“.

Светско ракометно првенство 2019 (кадети):

Група А – Хрватска, Шпанија, Словенија, Норвешка, Чиле, Саудиска Арабија

Група Б – Шведска, Франција, Унгарија, Египет, Тајпеј, Канада

Група Ц – Данска, Бахреин, Македонија, Јапонија, Аргентина, Нигерија

Група Д – Исланд, Германија, Србија, Тунис, Бразил, Португалија