Каде ќе се игра финалето во ЛШ, Англичаните ја ставија Турција на црвена листа
Финалето на овогодинешното издание во Лигата на шампионите кое треба да се игра во Истанбул е загрозено откако владата на Велика Британија ја стави Турција на ризични држави поради пандемијата на коронавирусот.
Во финалето кое треба да се игра на 29 мај ќе играат англиските Манчестер сити и Челси. УЕФА пред некој ден одобри на стадионот „Ататурк“ да има 10.000 навивачи, но тоа може да претставува проблем за фановите на англиските екипи.
Владата донесе одлука сите граѓани кои доаѓаат од црвената листа на држави да бидат во десетдневен хотелнски карантин кој мораат самите да го платат.
За многумина оваа одлука на британската влада ја поврзуваат со нивната желба финалето да се пресели во Лондон и да се игра на „Вембли“ стадионот. Според „Скај Спортс“ УЕФА сериозно размислувала за оваа можност, односно финалето да се пресели во Лондон, но останатите европски медиуми тврдат дека европската куќа на фудбалот засега не го менува ставот и инсистира натпреварот помеѓу Манчестер сити и Челси да се игра во Истанбул.