Кацарска за бременоста на Јанкулоска: Среќна сум што ништо не и се случи, не дај Боже да и се случеше нешто

На денешната седница на Судскиот совет, на која се разгледува барањето на екс министерката Гордана Јанкулоска за разрешување на судијката Добрила Кацарска, Кацарска посочи дека 33 години, колку што е судија, нема ниту една дамка во кариерата и дека знае да ги цени само фактите.

Во врска со бременоста на Јанкулоска таа изјави:

– Среќна сум што ништо не и се случи, не дај Боже да и се случеше нешто. Да и се случеше јас немаше да одговарам законски, но до крајот на мојот живот тоа ќе го носев до себе.

Во врска со барањето за нејзино разрешување, Кацарска рече дека не слушнала ниту еден факт или аргумент дека ги прекршила одредбите од Законот за кривична постапка (ЗКП).

Прочитајте и...  „„Виз Ер" ја продолжи суспензијата: До 14 јуни нема да има летови до и од земјава

– Моја должност е да ги почитувам одредбите на ЗКП. Максимално се трудам да не прекршам ниту една одредба од ЗКП. Во врска со наведените причини за мое разрешување, дека начинот на постапката сум ја водела пристрасно, намерно сум го повредила начелото за правично судење и дека сум нанела груба повреда на судскиот кодекс, ќе кажам само едно. Можеби нескромно ќе звучи, но јас немам дамка ниту во кариерата, ниту во мојот приватен живот – рече судијката Добрила Кацарска во сослушувањето од страна на тричлената комисија во Судскиот совет.

На обвинувањето на адвокатот на Јанкулоска дека имало пристрасност во изрекувањето на пресудата кога Кацарска рече дека, Јанкулоска го поттикнала Ѓоко Поповски да го фаворизира економскиот оператор “МакАутоСтар” ДООЕЛ Скопје да го купи возилото мерцедес, судијката возврати:

Прочитајте и...  Вашингтон тајмс: Антифа со месеци подготвувала бунт против властите во САД

– Очигледно дека поднесителот не сфатил дека тоа е диспозитив на обвинението, кое не смеам да го менувам.

Кацарска потенцираше дека Јанкулоска веднаш не го известила судот за нејзината бременост.

– Да и се случеше нешто, јас немаше да одговарам законски. Но, ви тврдам до крајот на мојот живот ќе го носев со себе. Драго ми е што го изнесе својот плод и роди здраво бебе – кажа Кацарска.

Таа рече дека е неспорно дека судењата  за „Тенк“ траеле долго, но образложи зошто тоа било така.

– Рочиштата за Јанкулоска траеја само неколку часа. Нејзе и беше овозможено од моја страна, 60 дена по породувањето да нема судења. Уште од првиот ден ја прашав, кога сака да има пауза. Паузата траеше час и половина. Од снимките од главната расправа може да се слушне мојот глас како и велам да не брза, без никакви последици кога и да дојде ќе продолжи расправата – рече Кацарска.

Прочитајте и...  Децата ретко се преносители на ковид-19, покажа нова студија

Кацарска кажа дека причината за долгото траење на рочиштата била кај обвинетите, бидејќи нивните адвокати постојано приговарале, а во 15 часот барале одлагање, бидејќи поминало работното време. Судијката Кацарска рече дека ЗКП и судскиот деловник не предвидуваат дека ако завршило работното време на судот, завршува и главна расправа која е предвидена за тој ден.

Претходно, свое излагање имаше Влатко Илиевски, адвокат и сопруг на екс министерката Гордана Јанкулоска, која бара разрешување на Кацарска како судија.

Прочитај повеќе

Вјоса Османи: Косово од 2016 година доби неколку милиони евра од Србија и тоа остана во тајност

Слободен печат

Бислимоски: Не очекувам било какви проблеми во енергетскиот сектор при евентуален втор бран на Ковид-19

МИА Агенција

Босанец со нож повредил тројца полицајци во Њујорк: Постојат сомненија дека се работи за Исламистички тероризам

Слободен печат

Хоти: Јас ќе го водам дијалогот со Србија

Слободен печат

Укинат полицискиот час во Лос Анџелес, Сан Франиско и Сан Хозе

Слободен печат

Граѓаните ќе мора да се стрпат: Замена на водомери само во итни случаи, „Водовод“ со минимална залиха

Анета Стојковска

Остави Коментар

Прочитај повеќе

Бугарија го врати 14-дневниот карантин за лица кои влегуваат од Македонија

Слободен печат

МВР: 48 лица не ја почитувале забраната за движење, 38 од нив се лишени од слобода

Слободен печат

Од утринава се отвораат границите меѓу Унгарија, Австрија, Чешка и Словачка

Слободен печат

Иноваторот Ангелков: Работиме на 20 респираторни машини кои ќе помагаат при дишење во болниците

Слободен печат

Илјадници присутни на комеморацијата на Џорџ Флојд во Минеаполис

Слободен печат

Читајте го бесплатно он-лајн викенд бројот на Слободен печат

Слободен печат