Холандската Влада на чело со премиерот Марк Руте размислува за колективна оставка поради извештај во кој се обвинува за лошо управување со субвенциите за згрижување на деца, кои илјадници семејства ги втурнаа во финансиска пропаст.

Парламентарната истрага минатиот месец заклучи дека е направена невидена неправда кон невини семејства кои биле принудени да вратат десетици илјади евра субвенции, што доведе до невработеност, банкрот или развод.

Руте, кој е на функција од 2010 година, на крајот на минатиот месец рече дека аферата, која трае скоро цела измината деценија, е срамота. Околу 10.000 семејства добија компензација во износ од најмалку 30.000 евра.

Семејствата оваа недела поднесоа обвиненија против петмина политичари, вклучувајќи ги министерот за финансии Вопке Хоекстра и министерот за економија Ерик Вибес, за нивната улога во лошото управување.