Јужноафрикански сој на коронавирусот сѐ уште не е детектиран во Македонија

Коронавирус во Македонија / Фото: EPA-EFE/GEORGI LICOVSKI

Јужноафриканскиот сој на коронавирусот сѐ уште не е детектиран кај нас, а околу седумдесетина проценти, според лабораторијата на болницата „Жан Митрев”, а оваа недела ги очекуваме и резултатите од лабораторијата во МАНУ, се од британскиот сој, изјави вечерва министерот за здравство, Венко Филипче.

Министерот во изјава за Канал 5, зборувајќи за зголемениот број на заболени со ковид-19, рече дека имајќи предвид дека британскиот сој на коронавирусор многу побрзо се шири, веројатно и убавото време ги тера луѓето да не ги почитуваат превентивните мерки.

– Се случува нешто што се случува и во околните земји – Албанија, Србија. Имаме зголеме број пациенти посебно во некои градови. Навистина се зголеми бројот на хоспитализирани пациенти во болниците во Кавадарци и Прилеп, тука некаде беше со истата динамика и приемот на пациенти во болницата во Охрид. Во другите градови ситуацијата е прилично мирна и стабилна, рече Филипче.

Во овој момент, нагласи тој, имаме сосема доволен број болнички капацитети, а веќе се на располагање и ковид центрите.

Министерот за здравство, Филипче рече дека засега нема да има нови рестрикции.

– Засега не. Ситуацијата е таква да немаме онаков нагол раст на кривата како што имаше во месец ноември и сметаме дека засега мерките се добри. Училиштата со овој режим на работа, ограничената бројка на деца во градинките. Така што, ја следиме ситуацијата динамично. Имаме пораст посебно во некои градови на факторот на преносливост, но засега остануваме со истите превентивни мерки, потенцираше Филипче. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот