Десетици мажи се приведени откако минатата недела се појави информација за наводно групно силување на осум жени на снимање на музичко видео во Јужна Африка. Се очекува осомничените да се појават денес пред судот, откако полицијата уапси повеќе занаетчиски рудари, кои локалното население ги обвинува за широко распространето насилство.

Апсењата во близина на Кругерсдорп, град северозападно од Јоханесбург, се зголеми на повеќе од 120.

Сепак, ниту еден од уапсените мажи и момчиња, наводно, не е обвинет за сексуален напад или силување. Полицијата соопшти дека се надева дека ДНК тестовите ќе им овозможат во наредните денови да поврзат некои од приведените со наводното групно силување, пишува „Гардијан“.

Обвинетите, за кои се смета дека се рудари кои работат во опасните напуштени окна во Јужна Африка, наводно се соочуваат со обвиненија, вклучително и поседување огнено оружје и нелегално ископување.

Во понеделникот, јужноафриканскиот претседател, Сирил Рамафоса, ја замоли јавноста да се приклучи во случајот и да помогнат во пронаоѓањето на оние кои го извршија нападот минатиот четврток.

Осум манекенки силувани во Јужна Африка, вооружени мажи ги нападнале додека снимале спот