Редици се формирани пред продавниците за алкохол во Кејп Таун, Јоханесбург и другите градови, пренесоа локалните медиуми.

Јужноафриканската Република, која има петта најголема стапка на зараза од новиот коронавирус во светот и најголема во Африка, воведе еден од настрогите карантини во светот откако во март фати пандемијата од коронавирус.

Единствена воведе забрана за алкохол и тутунски производи, а владата објасни дека тоа ќе помогне да се ослободат болнички кревети и да се ограничат респираторните болести.

Продажба на алкохол беше кратко дозволена во јуни, а во јули повторно е дозволена.

Критичарите на мерките предупредуваат дека токму поради овие одлуки јужноафриканската држава  изгубила многу даночни приходи и работни места, а тоа директно придонело за порастот на продажбата на алкохолни и тутунски производи на црниот пазар.

Јужноафриканскиот претседател Сирил Рамафос изјави дека во текот на викендот се чинело како земјата да го поминала врвот на кризата и дека поради тоа карантинот е ублажен на втор степен од вкупно пет.

Во земјата се потврдени повеќе од половина милион заразени, а досега починаа околу 11.800 лица.

Рестораните и баровите ќе можат повторно да послужуваат алкохолни пијалоци, но само до 22 часот, а во продавниците ќе може да се купат од понеделник до четврток.