Маурицио Сари по само една година во Челси каде дојде како замена за Антонио Конте, си заминува од Лондон. Тој успеа да триумфира во Лигата на Европа но не успеа да ги освои симпатиите на навивачите поради неговиот стил на игра. Откако Јувентус по крајот на сезоната му врачи отказ на Масимилијано Алегри, Сари беше еден од главните фаворити за негов наследник.

Единствена пречка која го делеше Сари од клупата на Јувентус беше барањето на Челси за компензација, но менаџерот Фали Рамадани успеа да се договори со управата на „сините“ и тренерот е слободен во изборот на новиот клуб.

Џанлука Ди Марцио кој е „стручњак“ за трансфери во Серија А и ретко греши во своите објави, овој пат најави дека до утре се очекува Маурицио Сари да биде официјално презентиран како нов тренер на Јувентус.

И весникот „Тутоспорт“ кој е близок до Јувентус, напиша дека официјалната презентација на Сари ќе биде во текот на утрешниот ден.
Јувентус и Маурицио Сари се договорија за тригодишна соработка која на тренерот ќе му носи 6.5 милиони евра по сезона.