Актуелниот шампион во Серија А не е толку силен кога на теренот ги нема најголемите ѕвезди, Кристијано Роналдо и Пауло Дибала.

„Старата дама“ во трилер натпревар ремизира играјќи 1:1 на гостувањето кај Кротоне.
Натпреварот започна кошмарно за Јувентус, Леонардо Бонучи уште во 11. минута преагресивно влезе во дуел за топката и направи пенал кој успешно го реализира Симеон Нванкво.

Повратникот во Јувентус, Алваро Мората, на првиот натпревар веднаш се запиша во листата на стрелци во 21. минута.

За разлика од Мората, кошмарно деби во „црно-белиот“ дрес имаше Федерико Киеза кој во 60. минута заработи црвен картон поради груб старт.
Јувентус постигна гол во 76. минута преку Мората, но судијата го поништи поради офсајдф и го остави шампионот без победа.
Ова беше прв освоен бод за Кротоне, додека Јувентус по четири кола има две победи и две ремија и засега се наоѓа на третото место на табелата со осум бода.