Јувентус не го дава врвот, Роналдо и Дибала ја решија Болоња (ВИДЕО)
Мртвата трка за титулата во Серија А продолжува по тримесечната пауза, а Јувентус не ја дава пол позицијата.
„Старата дама“ како гостин со 0:2 ја совлада Болоња и остана на лидерската позиција во Серија А со 66 бода, четири повеќе од Лацио кој има и натпревар помалку.
Дилемите околу победникот беа разрешени во првото полувреме, а за тоа се погрижија најдобрите играчи на Јувентус, Кристијано Роналдо и Пауло Дибала.
Прво Роналдо во 23. минута беше сигурен реализатор на пеналот кој беше досуден по сомнителниот прекршок на Денсвил над Матијс де Лихт.
Конечниот резултат го постави Пауло Дибала во 36. минута.
Претходно екипата на Милан со убедливи 1:4 славеше на гостувањето кај Лече и остана во трката за место кое носи пласман во Лигата на Европа. Кастиљехо, Бонавентура, Ребиќ и Леао погодија за Милан, додека почесниот гол за домашниот тим беше дело на Манкосу.