Јувентус и Манчестер сити фаворити за трофејот во ЛШ
Екипите на Манчестер сити и на Јувентус се главните фаворити за освојување на Лигата на шампионите, смета италијанскиот стратег Фабио Капело. И двата тима не одиграа на нивото на очекувањата во првите натпревари од четвртфиналето на ЛШ, Јувентус како гостин ремизираше против Ајакс (1:1), додека Манчестер сити загуби со 1:0 во англиската пресметка против Тотенхем.
– Од самиот старт на ЛШ го сметам Манчестер Сити за главен фаворит. Но изгледа дека екипата на речиси сите важни натпревари како гостин не игра според очекуваното, офанзивен фудбал. Јувентус е исто така многу силен и тоа го покажа со елиминацијата на Атлетико Мадрид. Но и Ајакс покажа дека знае со фаворитите, успеа да го елиминира актуелниот шампион Реал Мадрид и сигурно е дека во реваншот во Торино нема да дојде со бело знаме. Сепак, мислам дека во полуфиналето ќе играат Манчестер сити и Јувентус, а подобрата екипа од нивниот двобој на крајот ќе го крена и шампионскиот пехар.
Во преостанатите две четвртфиналиња се среќаваат Барселона – Манчестер јунајтед (1:0) и Порто – Ливерпул (0:2), а победниците ќе играат меѓу себе во полуфиналето.