Јувентус е во хаос, ја победија Специја на среќа

На Јувентус му недоставуја идеја во играта/ фото: EPA-EFE/ALESSANDRO DI MARCO

Поранешниот италијански репрезентативец Антонио Касано зборуваше за ситуацијата во која се наоѓа Јувентус.

Според Касано, на „старата дама“ и недостасуваат шампиони кои ќе ја спасат екипата во овие тешки моменти.

– Јувентус против Специја одигра ужасен натпревар, постојано беше под притисок. Да поведеше со 3:1 натпреварот ќе беше готов. Зборуваме за екипа која е 50 пати поскапа од противникот. Не го разбирам начинот на кој игра Јувентус и тоа ме загрижува. Победија против Специја, но тешко дека ќе завршат меѓу првите четири екипи во Серија А доколку продолжат да играат вака – вели Касано чиј заклучок е дека недостасува идеја во играта.

– Порано тука беше Роналдо кој даде повеќе од 100 гола за три сезони и Игуаин кој исто така постигна многу голови. Овој Јувентус е во хаос, збунети се, а Специја ја победија на среќа.

Видео на денот