Преговорите помеѓу Пауло Дибала од едната и Јувентус од другата страна, не одат во посакуваната насока и поради тоа челниците на „старата дама“ започнаа да ги разгледуваат опциите за евентуална размена на Аргентинецот.

Поради пандемијата на коронавирусот, директорот на Јувентус, Фабио Паратичи, најави дека ќе се обиде поголем дел од трансферите да ги заврши преку размени и Дибала е еден од играчите кои се подготвени да ги жртвуваат за да дојдат до тие фудбалерите кои ги посакуваат.
Како што пишува „Ла Стампа“, во Јувентус се подготвени да го испратат Дибала во ПСЖ во замена за напаѓачот Мауро Икарди.

Но, ПСЖ не планира да разговара со Јувентус за можната размена, се додека не се реши судбината на Килијан Мбапе. Доколку Мбапе летово си замине од ПСЖ тогаш Икарди би останал во Париз и би ги зазел местото на францускиот репрезентативец во нападот. Но, доколку Мбапе остане, тогаш можно е ПСЖ да започне преговори со Јувентус за размена на Икарди кој има желба да се врати во Серија А и Дибала кој не сака да потпише нов договор со „старата дама“.