Јувентус цели кон ѕвезда на Реал Мадрид

EPA-EFE/FRIEDEMANN VOGEL

Челниците на Јувентус завршија одлична работа во досегашниот преоден рок, ангажираа три засилувања со кои титулата во Серија А им е речиси загарантирана, а сега планираат со ангажман на уште една ѕвезда да ја нападнат титулата во Лигата на шампионите. Најзвучни засилувања на “старата дама“ се Адриен Рабио и Арон Рамзи кои дојдоа како слободни играчи од ПСЖ, односно Арсенал, и Матијс де Лихт за кого Јувентус плати 70 милиони евра на Ајакс.

Но, според шпанските медиуми, Јувентус го зачува најдоброто за крајот. „Мундо Депортиво“ пишува дека челниците на Јувентус се откажаа од враќање на Пол Погба и му го препуштаат на Реал Мадрид, а тие ќе се насочат кон купување на шпанскиот репрезентативец Иско.

Во Јувентус се надеваат дека Реал Мадрид доколку го купи Погба од Манчестер јунајтед, Иско ќе го загуби местото во првиот тим. Токму на таа карта ќе игра Јувентус, покрај 80 милиони евра кои планира да ги понуди како обесштетување, тие на шпанскиот репрезентативец му нудат загарантирано место во првиот тим за следната сезона.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот