Јуве сака да се ослободи од Роналдо, понуден и на Барса! (ВИДЕО)
Познатиот новинар Гилем Балаге потврди за „Би-Би-Си“ како Јувентус сака да се раздели со Кристијано Роналдо.
Португалецот во изминатиот период се поврзуваше со ПСЖ, а според Балаге менаџерот Жорге Мендеш доби инструкции да му пронајде нов клуб.
– Причината што Кристијано Роналдо се поврзува со ПСЖ не е поради што овој клуб го посакува, туку затоа што Мендеш има инструкции да му најде тим. Тоа веќе се прави шест месеци, се поврзуваше со Реал, тие рекоа нема шанси да се врати, потоа разговори за МЛС лигата, итн.
? 'Juventus wants to get rid of his wage, he's been offered everywhere including Barcelona' @GuillemBalague on the future of @Cristiano Ronaldo
?⚽ https://t.co/3CW3Ngo4mY pic.twitter.com/OB8W9XH5oz
— BBC 5 Live Sport (@5liveSport) August 12, 2020
Јувентус сака да се ослободи од неговата плата. Го понудија секаде, па дури и на Барселона. Не сум сигурен дека така лесно ќе се ослободат од него, од таква плата што ја заработува, 23 милиони евра нето, што ја заработуваше во Реал Мадрид и мислам дека ја израмни кога дојде во Јувентус. Кој ќе плати толку пари? – се зборовите на Балаге.
Јуве изненадувачки беше елиминиран во Лигата на шампионите од Лион, сезонава барем успеа да ја одбрани титулата во Серија А, а загуби во куп финалето од Наполи.