Македонскиот јутубер Стефонатор повторно го привлече вниманието на јавноста, но, овој пат со среќна вест. Имено тој во видеото кое го сними и сподели на својот јутуб-канал откри дека по долготрајната и макотрпна борба успеал и го победил туморот.

– Цела година од овој процес. Моментот на дознавање, мислење што е следно, прва операција, хемотерапија, илјада снимања, втора операција, боцкања и сè… помина една година мене ми изгледа како да се 10 години, најмалку. Затоа не можам да „сварам“ дека сето ова е завршено, но треба и треба да се радуваме… Ова е моето среќно видео, не треба да бидам даун, туку да се радуваме, да се смееме, да славиме, да се фокусираме на сите убави работи, да си живееме- вели Стефонатор во видеото.

Инаку младиот јутубер со вистинско име Стефан Рашковиќ, ја потресе јавноста во март годинава кога по долго отсуство сподели видео долго 22 минути со наслов „Време е да зборуваме“ и низ солзи им откри на обожавателите дека минатото лето му бил откриен тумор на тестисите, по што следувал долг период на лекување, операциии и хемотерапии.

 

View this post on Instagram

 

A post shared by Steffonator (@steffrasho)

Исто така Стефонатор тогаш сподели и фотографија од болница, по првата операција, која им ја пратил на најблиските и јавно им заблагодари на сите кои се интересирале за него и му праќале пораки со поддршка. Сега конечно тој ја израдува јавност со прекрасната вест дека излегол победник од тешката битка.