Снимката од изборната прослава на новоизбраниот градоначалник на Општина Карпош, Стевчо Јакимовски, каде тој пееше своја верзија на хитот на „Куку леле”, „Постела рози” со непристоен текст, е ограничено на музичкиот канал Јутјуб и може да го гледаат само лица кои ќе се најават и со тоа ќе докажат дека се постари од 18 години.

Причината за ограничувањето е недоличниот текст, односно според правилникот на Јутјуб, рестрикциите за одредена возраст на гледачи се активираат поради вулгарен речник, насилна содржина, голотија, опасни или пак активности кои се штетни, а децата би можеле да ги имитираат.

-Како ме е*е, како ме е*е Стевчо Јакимовски, за вас е само к*р громовски – е новокомпонираниот текст со кој се славеше победата на Јакимовски, а поради кој стапија на сила и рестрикциите на социјалната мрежа.

По повод недоличното однесување на прославата, се огласија и независните советници од општината, кои бараат градоначалникот да ѝ се извини на јавноста. Јакимовски сѐ уште се нема огласено на темата, а последната објава на неговата официјална страница е видеоклип со прогласување на победа на локалните избори.