Јуниорите останаа без пласман во „А“ дивизијата
Избраниците на селекторот Тони Симиќ во клучниот меч и последната шанса за учество во Дивизија „А“ загубија од Чешка со 89:80 (28:21, 17:28, 30:18, 14:13).
Најефикасни стрелци во нашите редови беа Марко Миловановиќ со 24 поени, следен од Лука Савиќевиќ со 19 поени (осум асистенции) и Андреј Јакимовски (17 поени, по пет скокови и асистенции).
Јуниорите имаа одличен старт на овој шампионат, во групната фаза со пет максимални победи против Данска, Словачка, Грузија, Украина и Ирска.
Беа фантастични и во четвртфиналето против Естонија (92:57), но на најважните две средби на ЕП претрпевме порази.
Како и да е, ова е знак дека имаме добра кошаркарска иднина и можеме да се надеваме и веруваме на уште подобри резултати во наредните години.