Јунајтед за 150 милиони евра најде идеален партнер за Бруно Фернандеш
Манчестер јунајтед и покрај пандемијата на коронавирусот не мирува и ги крои плановите за наредната сезона иако не се знае кога ќе започне.
Тоа значи дека „црвените ѓаволи“ ќе бидат активни за време на летниот преоден рок, а се поизвесно е дека на лето ќе се ослободат од Пол Погба, кој не покажа ниту дел од игрите кои ги прикажуваше во Јувентус и за што беше платен 105 милиони евра.
Солскјер во јануари го купи Бруно Фернандеш и тоа се покажа како фантастичен потег, Португалецот се повампири и со него во тимот Манчестер јунајтед нема пораз до паузата поради пандемијата на коронавирусот.
Следна задача на Солскјер е да му најде идеален партнер на Фернандеш во средниот ред и изборот падна на играчот на Атлетико Мадрид, Саул Нигез.
„Црвените ѓаволи“ се подготвени да ја платат откупната клаузула за Нигез која изнесува 150 милиони евра.