Јунајтед стана тим за потсмев, сега и Њукасл му го зеде скалпот
Фудбалерите на Њукасл го совладаа Манчестер јунајтед со минимални 1:0 во осмото коло од Премиер лигата и ја продолжија кризата на „црвените ѓаволи“.
Иако фудбалерите на Јунајтед беа под императив да победат, тие доживеаја нов пораз со кој почнаа да тонат на табелата, по осум кола се наоѓаат на 12. место со само девет бодови, два повеќе од зоната на испаѓање, но и дури 15 бодови помалку од лидерот Ливерпул.
Единствениот гол на натпреварот го постигна Лонгстаф во 72. минута.
По овој пораз, кој е трет сезонава, се повеќе се ниша тренерското столче на Оле Гунар Солскјер кој доколку успее да ја преживее паузата во Премиер лигата поради квалификациите за ЕП 2020, го очекува најголемото дерби во Англија, против Ливерпул и евентуален неуспех ќе значи дефинитивен отказ.