Желбата на Манчестер јунајтед во последните две години, да се ослободи од најголемото промашување во последните 10-тина години, Алексис Санчез, се чини дека конечно ќе се оствари.
Интер сериозно „загриза“ за Чилеанецот и се чини дека Антонио Конте ќе добие уште едно скапо засилување ова лето.

Британскиот „Гол“ пренесува дека Манчестер јунајтед и Интер се договорија за продажбата на Алексис Санчез и тоа веднаш откако Чилеанецот и даде два гола на Бреша.

И покрај тоа што Санчез цела сезона се мачеше со повредите, тренерот на Интер, Антонио Конте сака да го задржи во тимот и во иднина, а директорот Бепе Марота експресно успеа да се договори со англискиот тим.
Иако кога се договораше позајмицата имаше ставка дека Интер може да го откупи договорот за 25 милиони евра, Марота успеа да ја намали оваа сума.
„Гол“ објави дека Интер ќе плати 20 милиони евра за откупување на договорот на Алексис Санчез.

Чилеанецот на „Олд трафорд“ пристигна во јануари 2018 година каде дел од размената за Хенрик Мхитарјан, а траснферот на Санчез беше проценет на 34 милиони евра но со прикажаните игри се покажа како најголемо промашување во последните 10-тина години.