Фред замина на одмор во Турција, Виктор Линделоф и Одион Игало заминаа во Франција, исто како и Немања Матиќ и уште неколку фудбалери, но сега може да имаат проблеми при враќањето во Манчестер и лесно може да се случи тие да не играат за „црвените ѓаволи“ во завршницата од Лигата на Европа.

Причината за тоа е најавата на англискиот премиер Борис Џонсон кој изјави дека состојбата со коронавирусот од ден во ден се менува и можно е некои земји да бидат ставени на „црвената листа“ кога станува збор за влез на територијата на Велика Британија.

Тие кои се враќаат од таквите земји ќе мора да бидат во 14-дневен карантин што би значело дека дел од фудбалерите нема да играат во завршницата од Лигата на Европа. Ова правило важи за сите патници кои доаѓаат од Шпанија.

Манчестер јунајтед во првиот натпревар од осминафиналето го совлада ЛАСК со 5:0 и нема никакви дилеми дека ќе продолжат понатаму, но од четвртфиналето па до крајот ќе се игра по само еден наптрвеари, а првиот натпревар е предвиден да се игра на 10. август.