Францускиот репрезентативец Рафаел Варан наскоро и официјално ќе биде нов фудбалер на Манчестер јунајтед, потврди англискиот тим.

Дефанзивецот по 10 години поминати во дресот на Реал Мадрид, со замина од „кралскиот клуб“, а по лекарските прегледи Варан ќе потпише четиригодишен договор со Манчестер јунајтед за плата од 12 милиони евра по сезона.

𝗕𝗼𝗻𝘀𝗼𝗶𝗿, 𝗥𝗲𝗱𝘀 👋

We have agreed a deal in principle for the transfer of @RaphaelVarane to United! 🔴⚪️⚫️#MUFC

— Manchester United (@ManUtd) July 27, 2021

„Манчестер јунајтед со задоволство објавува дека клубот се договори со Реал Мадрид за трансферот на францускиот репрезентативец и светски шампион, Рафаел Варан“, соопшти англискиот клуб, притоа напоменувајќи дека во завршна фаза е и договорот за личните услови на фудбалерот.

Англиските медиуми објавија дека Манчестер јунајтед ќе плати околу 50 милиони евра за Варан кој ќе биде второ големо засилување за тимот од „Олд трафорд“ по траснферот на Џејдон Санчо од Борусија Дортмунд.