Јунајтед најде супер замена за Де Хеа
Манчестер јунајтед го очекува бурно лето во обидот да ги натера двете најголеми ѕвезди на екипата, Пол Погба и Давид де Хеа да останат на „Олд Трафорд“.
Иако и двајцата играчи на Јунајтед јавно побараа да бидат продадени засега клубот се обидува да ги избрка заинтересираните екипи со големо обесштетување кои го бара. Цената за Погба изнесува околу 170 милиони евра доколку бидат вклучени играчи како размена или 150 милиони евра само како обесштетување.
Токму поради големите апетити на управата, Реал Мадрид и Јувентус полека го губат интересот за францускиот репрезентативец и се вртат кон далеку поевтини опции како што се Кристијан Ериксен од Реал Мадрид и Федерико Киеза од Фиорентина.
За разлика од Погба каде засега тактиката вродува со плод, за Давид де Хеа, ПСЖ е подготвен да ги плати бараните 80 милиони евра.
Според телевизијата ЕСПН, Манчестер јунајтед веќе најде супер замена за шпанскиот репрезентативец. ЕСПН објави дека голманот на Атлетико Мадрид и еден од најдобрите голмани на светот, Јан Облак побарал од управата на шпанскиот тим да го продаде на Манчестер јунајтед. Менаџерот на голманот веќе имал состанок со претседателот Ед Вудвард на кој му било порачано дека Облак со задоволство би го наследил Де Хеа.