Јовиќ го излажал Реал Мадрид, се повредил во својот дом, паднал од ѕид
Реал Мадрид неодамна објави дека српскиот репрезентативец Лука Јовиќ го повредил стопалото и поради тоа го очекува пауза од 2-3 месеци. Поради повредата оваа сезона е завршена за Јовиќ кого Реал Мадрид го плати 60 милиоини евра и за возврат доби само два гола во 24 натпревари.
Јовиќ на лекарите на Реал Мадрид им рекол дека повредата ја заработил додека тренирал дома, но српски „Курир“ од свои извори дознава дека причината за повредата е поинаква, тој паднал од ѕидот во куќата во Белград.
– Едвај остана жив. Падна од еден висок ѕид, не знам како да објаснам, а не ми е ни јасно како успеа во тоа. Главно, се беше случајно но среќа што остана жив – изјави за „Курир“, извор близок на семејството Јовиќ.
Reprise des entraînements le 11 Mai à 10h annoncé sur le site officiel du Real Madrid. pic.twitter.com/FMRM25PsMK
— Luka Jovic ?? (@LukaJovic_) May 8, 2020
Веднаш по објавата на српскиот весник, се огласи и докторот Хозе Гонзалес, специјалист за спортска медицина и поранешен член на медицинскиот тим на Атлетико Мадрид. Тој се сомнева во приказната на Јовиќ.
– Коската која ја скрши Јовиќ ја подржува целата тежина на телото и во голема мера е отпорна на надворешни сили. Во голем број од случаите, до скршеница доаѓа по тешка, насилна траума или пад од поголема височина. Повредата на почетокот се лекува со мирување и фиикална терапија и доколку успешно помине периодот на рехабилитација,
ќе се знае колкава ќе биде паузата – рече Гонзалес.
Српскиот весник се обидел да го контактира таткото на Јовиќ, но оттаму добиле одговор дека Реал Мадрид им забранил да зборуваат за повредата.