Јовиќ е нов член на Реал Мадрид

EPA-EFE/DANIEL DAL ZENNARO

Лука Јовиќ од следната сезона ќе го носи дресот на Реал Мадрид, објави англиската телевизија Скај Спортс. Според телевизијата, „кралскиот“ клуб на Ајнтрахт Франкфурт ќе му плати 60 милиони евра, а српскиот репрезентативец ќе потпише петгодишен договор со кој ќе заработува 10 милиони евра по сезона.

Јовиќ официјално е третото засилување на Реал Мадрид по враќањето на Зинедин Зидан на клупата, претходно се договорени и трансферите на Едер Милитао од Порто и Бразилецот Родриго кој шпанскиот тим го купи уште минатото лето.

Германскиот бундеслигаш го купи Јовиќ за седум милиони евра од Бенфика откако ја активира опцијата за откуп на позајмицата. На Бенфика ќе и припаднат 12 милиони евра од трансферот на српскиот репрезентативец.

Лука Јовиќ сезонава игра фантастично , во сите натпреварувања постигна 27 голови и има седум асистенции, додека во Бундес лигата е трет стрелец со 17 голови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот