Третото издание на фестивалот „Арт ареа“ ќе се одржи од 24 до 26 јануари во „Кино култура“ со програма што содржи саем на книги, концерти, кинопроекции, театар на сенки и книжевни муабети.

-Ние произлегуваме од доменот на издаваштвото и стожерен ни е тој мал јануарски саем на книгата, меѓутоа околу него сакаме да ги врземе тие групи публика или луѓе од културата којшто се зачипчени или следат само одредени тенденции од културата- вели во телефонско јавување на „Утрински брифинг“, Андреј Јованчевски организатор на фестивалот „Арт ареа“.

Фестивалот „Арт ареа“ ќе се одржува во Кино Култура.

-Да речеме луѓето одат само на филм, се држат строго за литература или до концерти. Овие две минати изданија скромно, но успешно, ја постигнаа таа цел да ја пресечат оваа публика, а се разбира уште поважно да ги пресечат и интересите на авторите што дејствуваат во различните домени, изјави во „Утрински брифинг“ на „Слободен печат“, Андреј Јованчевски, организатор на фестивалот „Арт ареа“.