Јошко Миленкоски е нов селектор на црногорската одбојкарска репрезентација

јошко миленкоски
Нов предизвик за Јошко Миленкоски во неговата тренерска кариера/oscg.me

Денеска црногорската одбојкарска федерација објави дека македонскиот стручњак Јошко Миленкоски едногласно е избран на седницата на Управниот одбор на федерацијата.

Миленкоски е новиот селектор на машката сениорска одбојкарска репрезентација на Црна Гора, поранешниот тренер на Будванска ривиера.

Сега нашиот стратег е на клупата на грчката екипа Фоникас Сирос (со која во декември 2021 го освои националниот Суперкуп). Претходно во кариерата беше и селектор на Македонија (1997 – 2008 год.) и Турција (2017).

Тренираше повеќе екипи во Македонија и Турција, работеше во Тунис, како и во Црна Гора, во Будванска ривиера (2007 – 2008) со чиј клуб го освои второто место во тамошното првенство и Купот на таа земја, а беше и третопласиран на Фајнл-фор ЦЕВ купот во Рим во 2008 година, што му е еден од најзначајните резултати во кариерата.

Осум пати е прогласуван за најдобар тренер во Македонија. Миленкоски докторираше во 1999 година на Факултетот за физичко образование и спорт на Универзитетот во Скопје, каде што сега е професор по одбојка. Има објавено пет книги за одбојка и зборува повеќе странски јазици.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот