ЈОКИЌ ЗА ИСТОРИЈА: Еден од најголемите пресврти во НБА лигата! (ВИДЕО) – Слободен печат
КошаркаСпорт

ЈОКИЌ ЗА ИСТОРИЈА: Еден од најголемите пресврти во НБА лигата! (ВИДЕО)

Српскиот центар во дресот на Денвер во последните секунди од натпреварот успеа да им донесе голема радост на своите навивачи во „Пепси“ Центар Арената.

Денвер славеше над Филаделфија со 100:97 во еден од најинтересните натпревари доцна синоќа во НБА лигата, а херој на Нагетси беше српскиот интернационалец Никола Јокиќ.

Ова е дефинитивно еден од најголемите пресврти на Денвер Нагетс во својата НБА историја, со негатива од дури „минус 21“ во последната четвртина.

Претходно објавивме дека Хрватот Бојан Богдановиќ со звукот на сирената донесе голем триумф на Јута, а сега нешто слично се случи на дуелот одигран во „Пепси“ Центар Арената.

Никола Јокиќ беше херојот, иако неговиот Денвер имаше негатива од дури 20 поени, но на крајот успеа да направи пресврт и стигне до победа.

Српскиот центар постигна кош за победа во последните секунди од средбата, на крајот запиша 26 поени, 10 скокови и шест асистенции. На спротивната страна Џоел Ембид беше најдобар со 19 поени и 15 скокови.

Моментно во Западната конференција Нагетси се наоѓаат на второто место (6-2), зад Лос Анџелес Лејкерс (7-1).

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close