Јокиќ: Фантастично да се биде покрај Вилт Чембрлен
Кошаркарот на Денвер нагетс, Никола Јокиќ, во победата на неговиот тим од 127:98 над Милвоки бакс, оствари нов трипл-дабл со кој влезе во елитна група на кошаркари во историјата на НБА лигата. Јокиќ во победата над Милвоки учествуваше со 37 поени, 11 асистенции и 10 скокови со што дојде до 50. трипл-дабл во кариерата и стана деветтиот играч во историјата на НБА лигата во вакво постигнување и само втор кога станува збор за центрите. Првиот центар кој има 50. или повеќе трипл-дабл остварувања во кариерата е легендарниот Вилт Чембрлен.
– Ова е навистина убаво. Ова е нешто што ќе остане зад мене како наследство. Навистина е убаво, кул, да се биде во група со такви имиња, посебно со еден од најголемите кошаркари на сите времиња – изјави Јокиќ.
За тоа каков успех направи Јокиќ, свесен е и неговиот тренер Мајкл Мелоун.
– Никола има само 25 години, што е неверојатно. Дојде до 50 трипл-дабл остварувња, а има уште 20 натпревари на коии му недостасуваше еден скок или една асистенција за трипл-дабл. Тоа зборува за неговата големина, едноставно никогаш не се заморува – изјави Мелоун.