Јелена Јованова: 2020 донесе вистински емоционален вртол, а на пиедесталот – Јаков!
Македонската актерка Јелена Јованова со својот сопруг Стјепан и синот Јаков живее во Хрватска. Со хрватскиот актер Стјепан Периќ, со кого се запознала за време на снимањето на серијата „Тајни“ е во брак од 2015 година, а во јуни минатата година го добија синот Јаков.
Јелена заедно со своето семејство се најде на насловната страница на хрватскиот магазин „Стори“, а со своите фанови на Инстаграм сподели една од фотографиите направена за интервјуто.
– Да беше оваа година сценарио од холивудски филм, ќе речев: „Малку претеравте“. Но очигледно ќе згрешев. Вистински емоционален вртлог донесе 2020, а на врвот на пиедесталот секако е Јаков. Ќе имаме многу да раскажуваме за годината во која се роди – рече Јелена во интервјуто за хрватскиот магазин.
– Да сум жива и здрава. Бистра и реална во своите желби. Да сум среќна и да не го испуштам свилениот конец кој ме врзува за вербата и позитивноста. Тоа што треба да биде, ќе биде. Тоа што е мое, ќе дојде, па за десет години може да се преслушаме повторно и да видиме до каде сум. Ќе ми биде драго. Секако дека не гледам причина зошто фамилијата и професијата не би оделе заедно и зошто едната би ја исклучила другата – ни одговори Јелена во неодамнешното интервју за „Слободен печат“ кога ја прашавме каде се гледа себеси по 10 години.