Денес екипите на Јавните претпријатија од градот заедно со општината на терен по којзнае кој пат ја чистеа депонијата на обиколницата над Битола пренесува Тера ТВ.

Во изминатите 10-тина дена, Општина Битола вршела интензивна подготовка со инспекциски надзор, за расчистување на магистралниот пат А3 во делот на обиколницата над Битола, во критичните точки каде постојано се фрла отпад. На терен комуналните инспектори поднесле и неколку пријави до граѓани и до лица кои собираат и нелегално складираат отпад.

На истите им било наложено отпадот да биде отстранет, а во текот на денешниот ден, еден од нив веќе постапува по пријавата и го отстранува отпадот. Општина Битола, по ваквата подготовка, во координирана акција започна со чистењето на масовната депонија на обиколницата над Битола, која претставува опасност за возачите.