Јавниот превоз во Стразбур ќе биде бесплатен за лица под 18 години

Фото: ЕПА

 Властите во Стразбур планираат од 1 септември годинава да воведат бесплатен јавен превоз за жителите под 18 години, објави „Паризиен”.

Како што пренесува, околу 80.000 луѓе ќе можат да го користат бесплатниот превоз.

Оваа мерка е воведена, меѓу другото, за да се намали количината на емисии на јаглерод диоксид во центарот на градот.

Според весникот, властите очекуваат дека по воведувањето на бесплатниот превоз родителите нема да мораат често да ги возат своите деца во сопствените автомобили.

За да ја користат оваа мерка, жителите под 18-годишна возраст треба да поднесат документ со адреса на живеење со кој се потврдува дека се жители на градот.

Властите сметаат дека на овој начин семејствата со две деца можат да заштедат до 550 евра годишно.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот