Јапонски државен обвинител поднесе оставка, се коцкал со новинари во текот на карантинот
Курокава го призна тоа и поднесе оставка, рече министерката за правда Масако Мори.
Јапонскиот државен обвинител денеска беше принуден да поднесе оставка откако медиумите објавија дека се коцкал со новинари, и покрај воведениот карантин за сите граѓани поради епидемијата од коронавирус.
Весникот Шукан Буншун објави дека Хирому Курокава, главниот државен обвинител во Токио, два пати во мај се коцкал со тројца репортери.
-Курокава го призна тоа и поднесе оставка, рече министерката за правда Масако Мори.
„Мора да истакнам дека таквото однесување е неприфатливо и за секоја осуда“, изјави Министерката за правда на Јапонија.
Коцкањето во Јапонија е забрането, а главните медиуми веќе подолго време се изложени на критики поради блиски односи со високи државни функционери.