Генералниот секретар на ВМРО-ДПМНЕ, Игор Јанушев и носител на листата на кандидати за пратеници во ИЕ 3 на гостувањето на телевизија Канал 5 во емисијата „Само вистина“ рече дека и предизборието покажало дека ВМРО-ДПМНЕ е многу различно од СДСМ.

-Секогаш имало разлика меѓу СДСМ и ВМРО-ДПМНЕ, а и внатре во партиите има разлика затоа што секоја нова генерација си носи нови визии, и на крајот никој не е венчан за функција затоа прво е еден на една функција, потоа доаѓа друг- рече Јанушев

Говорејќи за актуелните политики кои ги спроведуваше владата предводена од СДСМ.

-Слушаме нови скандали секој ден. Секојдневно има случаи на корупција, криминал, рекетирани пари во Луј Вутон куферчиња, криминални тендери во здравство, но и во другите области. Јас ги повикувам да и кажат еден нивни проект кој го осмислиле или барем да го започнале, еве ги повикувам подолго време, но никој не кажува ништо- кажа Јанушев.

Генералниот секретар на ВМРО-ДПМНЕ и носител на листата на кандидати за пратеници од ИЕ 3, Јанушев потсети и дека се што се правело како инвестиции, инфраструктура е направено во време на претходната влада предводена од ВМРО-ДПМНЕ.

-Сега во овие три години од СДСМ нема ништо. Да бидеме реални единственото време кога доаѓаа инвестиции, се градеа патишта беше во време на ВМРО-ДПМНЕ- кажа Јанушев.