-Во инфраструктурата треба да продолжиме онаму каде што бевме пред три години зошто оваа неспособна влада на СДСМ не направи ништо. Ќе ги завршиме патиштата Штип-Кочани и  Штип-Радовиш, но секако и поврзувањето на Куманово со Деве Баир преку Ранковце и Крива Паланка, како и конечно да ја видиме фамозната пруга на Коридор 8. Исто ќе направиме се што можеме да отвориме граничен премин Клепало кај Берово, но исто така и Црна Скала кај  Делчево,  ќе работиме на документација за Коридор 8А токму за овој предел кој поминува од централниот дел кон  Малешевијата- информираше Јанушев.

Тој посочи дека во делот на економијата клучно е покачувањето на платите за 25 проценти, 20 проценти повисоки пензии, намалување на невработеност под 10 проценти, 4 милијарди инвестиции, а во делот на земјоделието 160 милиони евра за субвенции, но и она што е најважното е навремена исплата на истите.

Јанушев посочи дека ВМРО-ДПМНЕ е различно во сè.

-Ние нудиме иднина, подигнати глави, за разлика од тоа што го слушаме од Шахпаска чиј лидер Заев претходно секоја година велеше економијата е клучна, а од тоа не видовме ништо. Еве сега пак почнуваат со истото ветување еве сега бил моментот, а ние гледаме дека нема ништо направено- кажа Јанушев обраќајќи се на Јагода Шахпаска која е кандидат за пратеник од листата на СДСМ во ИЕ 3.

Според Јанушев, СДСМ ништо не направи за здравството освен партиски вработувања, зошто да направеле нешто немаше да крахира здравствениот систем.