Владата има план и програма како да се справи со загадувањето на трајна основа, а тоа е да се дејствува во изворите на загадувањето, изјави за “Слободен печат” заменик-министерот за животна средина и просторно планирање Јани Макрадули.

Тој потврди дека е обезбеден и посебен буџетски фонд за првичните активности, во висина од два милиони евра, но на располагање се и околу 20 милиони евра од одредени ставки од буџетите на неколку министерства, наменети за остварување на мерките од обемниот план.

Макрадули е зачуден зошто некои невладини организации погрешно го разбрале дека овој буџет е намален.

Во оваа фаза од програмата значајна мерка имаат инверторите кои Владата им ги нуди на граѓаните како замена за печките на дрва со 100 проценти владина подршка. Интересот е огромен вели Макрадули.

Целото интервју со детали од програмата на Владата за справување со загадувањето на животна средина погледнете го на Слободна ТВ.